Af köngulóm, fyrirlestrum, bleikri snjókomu og fleiru...

...ahhh, þetta hljómar agalega spennó ;) Köngulær og ég eigum ekki saman, höfum aldrei átt og munum aldrei eiga! Ég hef hingað til komist af ágætlega með þessa fælni en málin flækjast aðeins þegar maður er komin á svæði RISA-köngulóa (allavega töluvert stærri en íslensku kvikyndin). En já það kom sem sagt könguló inn í gær, meira að segja tvær...og báðar inni í svefnherbergi. Þær náðust báðar skjótt og hittu skaparann...pakkadíll, tvær fyrir eina! Æi já, ég veit þetta er ekkert merkilegt bloggefni, en þetta er svoldið "therapeutical" fyrir mig...þarf að "get it out of my system". Jiii hvað maður er orðinn ensku-skotinn, svona gerist þegar mar býr svona í úttlandinu, mar verður svo gasalega sigldur ;)

Annars gengur lífið bara sinn vanagang, þrátt fyrir innrásir köngulóa. Reyndar frekar annasamir tímar, ein ritgerð í höfn, ein í smíðum og ein bíður á færibandinu. En þetta hefst allt saman...einhvern veginn. Og það er heldur betur upplífgandi fyrir þreyttan námsmanna-andann að fara niður á bókasafn, alveg yndislegt að arka yfir Meadows undir bleikum kirsuberjatrjánum sem mynda göng. Við fórum niður eftir um daginn, um leið og bólu-hjálmar fékk útivistarleyfi, og tókum fullt af myndum. Ég þurfti svo að fara þangað niður eftir í gær og þá rigndi yfir mann blómstrunum...bleik snjókoma í apríl. Ég sé það að ég verð að koma á þessum tíma hingað í framtíðinni, bara til að sjá kirsuberjatréin ;)



Hver kannast ekki við að vera allt í einu kominn í aðstöðu sem manni langar ekkert sérstaklega að vera í? Ég fór á fund með hópnum mínum um daginn og ræddi við kennarann minn eftir tímann, ég hef nefnilega ekki enn fengið einkunn fyrir ritgerð sem við skiluðum í desember. Honum fannst þetta ægilega leiðinlegt og stingur upp á því að við förum bara saman að ræðum við kennarann sem átti að gefa einkunnina. Og sá kennari er sá sem leiðbeinir mér með lokaritgerðina, vænsti kall. Frekar vandræðalegt fyrir mig að þurfa að standa þarna og kom svoldið út eins og ég hefði verið að kvarta undan honum...úff. Ojæja, það gekk samt allt upp og ég fór svo að hitta hann daginn eftir, til að ræða um lokaritgerðina mína. Haldiði ekki að kallinn byrji á að segja mér frá ráðstefnu/fyrirlestrardegi um íslamska list sem verður hér í lok ágúst...og hann vill að ég haldi fyrirlestur!!! Ohh, ég er þegar farin að kvíða því en gat auðvitað ekki sagt nei. Þetta er samt gott tækifæri og eins og hann sagði sjálfur, á eftir að líta vel út á cv-inu mínu...



Segjum það gott í bili, ætla út á starbucks, kaupa mér muffins og fara út á links að spísa hann, á meðan lilleman hjólar á gangandi vegfarendur...
Kveðja,
Mags

p.s. búin að segja upp leigunni frá og með 31. ágúst, og strax komið upp ljótt skilti fyrir utan gluggann hjá okkur....fékk hálfgert sjokk að sjá það, varð eitthvað svo raunverulegt að þessu ævintýri færi að ljúka.

Síðan síðast...

Hér hefur lítið gerst undanfarið og ýmsar ástæður fyrir því...ritgerðarvinna, gestagangur, bíltúrar, brottflutningar, rjómablíða...ýmislegt sem hefur valdið því að bloggfærslur er ekki efstar á blaði. Var akkúrat að enda við að setja inn smá færslu um síðustu daga á síðunni hans Elvars...ef einhverjum langar að kíkja.

Hér er búið að vera svo gott veður undanfarið og í gær fór mælirinn upp í 20 gráður, ohhh bara yndislegt og gefur manni til kynna hve indælt verður að vera hér í sumar. Það er því um að gera að halda rétt á spöðunum svo einhver frítími verði í boði fyrir útvist og sólböð...

Ég fékk reyndar vægt sjokk þegar ég áttaði mig á að á næsta mánuði (þremur vikum) þarf ég að skila 3 vikum, einni stuttri skýrslu um lokaverkefnnið, setja saman "workplan" og hitta leiðbeinandann minn. Ó mæ, ó mæ...og ég bara NENNISSUEKKI!!! Nei ég segi nú bara svona, auðvitað nenni ég þessu (*hóst*)...það er bara svo erfitt að koma sér að verki, halda sér að verki...uuu, og ljúka verki..

Þessu þriggja vikna "skemmti" tímabili lýkur 11. maí og verður haldið upp á það með því að fljúga heim til Íslands. Ójá, við komum heim 11. maí en svo sem ekki til að halda upp á þetta...heldur er nú tilefnið gleðilegra, því við erum að fara í brúðkaup. Hrefna mín er að fara að giftast Þresti og auðvitað lætur maður það ekki fara framhjá sér! Við ætlum að stoppa í viku á klakanum og verða samferða mor og far sem ætla að koma til okkar þá, stoppa í tvær vikur og þar af ætlum við að eyða viku á Amalfi strönd Ítalíu...held það verði æðislegt og ekki síður nauðsynlegt áður en hin eiginlega lokaverkefnis-vinna hefst.

Sem sagt nóg framundan, fyrst vænn skammtur af leiðindum og svo stór skammtur af skemmtilegheitum. Ætla ekki að orðlengja þetta frekar heldur bretta upp ermarnar á náttsloppnum góða (sem er einkennisklæðnaður þessa námsmanns, tja nema ef farið er á safnið)

Bless í bili
Mags

Nokkrar staðreyndir....

Spáin fyrir morgundaginn: 17 gráður og heiðskýrt! Ég inni að skrifa ritgerð (word-count 2342)

Björk að halda sína fyrstu tónleika á Íslandi í 6 ár, um páskana...verst að það er akkúrat árið sem ég er ekki á landinu.

Von á gestum frá Íslandi á föstudaginn, foreldrar Arnars eru að koma, og stefnt á að bruna út um grænar grundir og skoða landið (eins gott að word-countið verði hærra svo ég geti farið með)

Ég hef fengið nýtt viðurnefni (gaf mér það reyndar sjálf)...Hairy Larry...á höfði mér er ægilegur lubbi sem neitar að láta að stjórn. Pantaði mér klipp-klipp og lit á föstudaginn (langa!)...þeir sem þekkja mína klippi-fóbíu geta getið sér til um hve þetta á eftir að taka á.

Ég er með æði fyrir Toffee Crisp þessa dagana og er snillingur í að finna mér afsakanir til að "þurfa" ekki að hætta að borða nammi aaaalveg strax...sú afsökun sem blífur vel er að það eru aaaalveg að koma páskar með tilheyrandi áti og það tekur því ekki að hætta fyrir páska...svo er ég líka að skrifa ritgerð(ir)!

Og þá veistu það!
Over and out
Hairy Larry